"...nur das Beste"
25 Jahre Singphoniker
demnächst bei cpo
Der Giasinger Mond
Überm Giasinger Berg scheint der Mond a so schee
und da stenga ma und da singa ma in der Nacht.
Entschuldigen die Herrschaften, dass ma jetzad no da steh,
wos so spat is, dass ma die Ladn scho zuamacht.
Der Mond schaugt uns zua, der Mond hört uns zua.
Aber moanans, dass uns der was obaschmeißt, der Bazi?
Und drum bitten wir dich, verehrte Nachbarschaft,
hebms a 5-erl raus und na lassens aus, sans so guat!
Drahn damma an der Drehorgel oiwei umadum und oiwei zua.
Oiwei nur drahn a Drehorgel, denn die scheene Nacht laßt uns koa Ruah.
Es liegts vielleicht im Bett scho drin und hörts uns spuin.
Geh so früa schlaft ma do ned, sonst griagts Bett Duin.
Lehnts halt a wengal raus! Luagts halt a wengal raus!
Schaugts, wia da Mond lacht, weil ma eahm heit no a Musi macht mitten in der Nacht.
Überm Giasinger Berg scheint der Mond a so schee
wia koa andrer Mond auf der ganzn Welt scheina ko.
Entschuldigen die Herrschaften, dass ma jetzad no da steh,
aber an solchen Mond, sowas ghört si halt, singt ma o.
Der Mond schaugt uns zua, der Mond hört uns zua.
Aber moanans, dass uns der was obaschmeißt, der Bazi?
Und drum bitten wir dich, verehrte Nachbarschaft,
hebms a 5-erl raus und na lassens aus, sans so guat!
